МЛАДИТЕ УМЕТНИЦИ ОД ООУ „ВЛАДО КАНТАРЏИЕВ“ И ОВАА ГОДИНА СО УСПЕХ СЕ ПРЕТСТАВУВААТ НА ДРЖАВНАТА ИЗЛОЖБА ВО БИТОЛА
Центарот за култура од Битола, утре, среда, 26 мај 2021 година, ќе ја промовира 46-та Државна изложба на детски ликовни творби на тема „Народната култура како трајна инспирација во моето творештво“, културен настан со најголема традиција во Македонија.
Традиционално, секоја година, на оваа изложба учествуваат и учениците од 6 до 9 одделение од ООУ „Владо Кантарџиев, Сара Џиџева, Ивана Грујиќ,Симона Смилевска, ,Тамара Џишева, Весна Димиќ, Лилјана Мајсторова, Теодора Цветковска,Билјана Поп-Димитрова, Деспина Дуганова и Михаела Ризова, под менторство на професорката Адриана Манчева . Учениците се претставуваат со творби изработени со акварел, темпера, гваш, пастел, колаж, молив и други сликарски и цртачки техники.
Најубавите креации на светот ги создаваат детските очи, бидејќи низ нивната визура работите имаат поубави бои, поголема вредност, помагични се…
Детската ликовна изложба е еден поттик да инспирираме, да наградиме, да се запознаеме со самите нас и да оставиме нешто трајно, кое ќе говори уште долго… Од година во година, бројот на учесници расте, а со тоа е награден нашиот труд и ентузијазам. Детската изложба инспирирана од народното творештво стана препознатлив знак во нашиот Центар за култура, изјави Маја Андоновска Илијевски, директорка на Центарот за култура.
Изложбата е финансирана од Министерството за култура.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
