ДЕНЕС Е ВЕЛИКА СРЕДА-НА СРЕДИНАТА СМЕ НА СТРАСНАТА СЕДМИЦА
Се наоѓаме во средината на Страсната седмица. Тоа е Неделата на страдањата – последната од животот на Исус Христос. Според православниот календар секој ден од оваа недела е Велики.
На Великата среда Христос е посетен од покајаание на грешните, кој во загриженост зборува за судот со миро. Тогаш е Тајната вечера на Божјиот син со Апостолите, за време на која тој им вели дека еден од нив ќе Го предаде. Јуда излегува и Го предава, а ноќе спроти четврток Христос се моли во Гетсиманската градина до доаѓањето на предавник и негово апсење.
Првите три дена од седмицата се наменети за чистење на домот. Како што за време на Велигденските пости се прочистува душата, така за време на Страсната седмица треба да се прочисти и домот. Секоја домаќинка го чисти и празнично го украсува секое катче од домот. Пролетното или Велигденското прочистување се прави за здравје.
На Велика Среда се одбележуваат три значајни настани: Последното претсмртно помазание на Господа, Заговорот на јудејците за да го убијат и Јудиното предавство на Христа за триесет сребреници.На Светата и Големата среда, Јуда отиде кај еврејските кнезови и го организираше Христовото предавство за 30 сребрени монети.Во средата нема домашна работа, и ако некој го прекрши ова правило, се верува дека неговата вештина ќе биде одземена.
На Велика среда се споменува предавството на Јуда. На тој ден во спомен на жената која истурила миро на христовите нозе, во црквите се врши една од седумте свети тајни-осветувањето елеј. Верниците тогаш се помазуваат со осветеното масло како лек за телесно и за душевно здравје
Кој бил Јуда? Јуда бил Христов апостол. Човекот што одел постојано со Господа Исуса Христа и дење-ноќе, го слушал Евангелието, ги гледал чудата и добрините што ги правел Господ и знаел сè што треба да прави, го знаел доброто, а го извршил злото. Тој е пример за отстапништво. Пример колку може човекот да падне и да се оддалечи од Бога. Пример како праведникот може да постане грешник, апостолот – предавник.
Среброљубието, парољубието, материјалноста, овоземното богатство и слава, злобата и зависта, му го обзеле неговото срце и тој станал предавник. Кога човекот ќе го опфатат тие гревови и пороци, тогаш, од таквиот може да пострада секој, па дури и Господ Кој бил единствено безгрешен во светов.
Господ Исус Христос знаел кој го предал. Знаел дури и пред да го предаде. Тоа го покажал на Тајната вечера.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
