СО ДВА КОНЦЕРТИ ТАНЦОВОТО СТУДИО „МИСТИК“ ЈА ЗАВРШУВА УСПЕШНАТА СЕЗОНА
Танцовото студио „Мистик“ со вчерашниот концерт, на 22 јуни, и со вечерашниот, на 23 јуни во Народниот театар- Гевгелија, традиционално го одбележува крајот на сезоната 2023/2024. Членовите на ова студио, кое е формирано во 2008 година во просториите на Пионерскиот дом во Гевгелија, под раководство на Александар Аврамов, и овој пат се претставија со кореографии инспирирани од урбаната и поп-културата на денешницата, оригинални и својствени за „Мистик“, кои ја одбележаа својата успешна натпреварувачка сезона.
Гевгелиската публика со искрени аплаузи,првата вечер, ги наградуваше сите настапи на малите и поголемите танчерки и танчери кои продефилираа на сцената на Народниот театар
Со своите настапи во земјава и во странство и со многубројните награди, студиото „Мистик“ претставува вистински музички репрезент на Гевгелија и на Македонија, на модерниот танц.
Идејниот татко на ова студио, Александар Аврамов, кој над 20 години е инструктор и кореограф, не криејќи го своето задоволство од успешните концерт и успешната сезона ќе каже:
„16 години „Мистик“ нѐ води и нас и вас, како публика, низ светот на урбаниот танц, танцот на денешницата, танцот на иднината.
Им благодарам најпрво на сите членови што беа дел од „Мистик“ изминатава сезона, а посебна благодарност до нивните семејства за поддршката и аплаузите на секој натпревар, секое патување, секоја изведба.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
