ДЕНЕСКА, ФОНДАЦИЈАТА „ИВАН ПЕНОВ“ ВО ХУМАНИТАРНА АКЦИЈА ДОНИРАШЕ ПАКЕТИ СО ХРАНА ЗА 18 СОЦИЈАЛНО ЗАГРОЗЕНИ СЕМЕЈСТВА
Денеска се наврши една година од трагичната смрт на младиот кошаркар на КК „Кожув“, Иван Пенов. Фондацијата формирана во негово сеќавање, во соработка со Црковниот храм „ Свети Кирил и Методиј“, по тој повод организираше хуманитарна акција.
Имено, оваа Фондација, наместо едногодишен помен за младиот кошаркар, подготви 18 пакети со храна, кои во текот на денешниот ден беа поделени на исто толку семејства кои се многудетни и социјално загрозени.
Со вакви акции, како и со продолжување на организирањето на Меморијалниот кошаркарски турнир во негова чест, кој изминатата година за прв пат се одржа, името на овој наш надежен кошаркар ќе остане во вечно сеќавање на сите граѓани на Гевгелија.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
