СОВЕТОТ ЌЕ РАСПРАВА ЗА ПРЕДЛОГ ПРОГРАМАТА ЗА ОДБЕЛЕЖУВАЊЕ ЗНАЧАЈНИ ЛИЧНОСТИ СО СПОМЕН ОБЕЛЕЖЈА ВО ОПШТИНА ГЕВГЕЛИЈА
На 41.Седница, Советот ќе расправа за Предлог-програмата за одбележување на значајни настани и истакнати личности со спомен обележја за периодот од 2024 до 2029 година.
Со Предлог програмата се предвидува подигање спомен обележја на следните личности:
Гоце Делчев, Леонид Јанков, Венијамин Мачуковски, Аргир Манасиев, Ангел Динев, Ангел Симов, Васка Дуганова , Марика Ќаева, Нада Поп-Ристова, Илија Карајанов, Александар Сингер, Илија Џаџев, д-р Димитар Бајалџиев, Никола Ѓелебешев, Мирче Ќорнаков, група танчерки во игра, Параклис посветен на Свети Архангел Михаил, Светите браќа Кирил и Методиј.
Почетната основа за носење на Предлог одлуката е обврската на Општина Гевгелија за имплементација на Законот за меморијални споменици и спомен обележја.
За подигање, чување, одржување, заштита и користење на спомен обележјата, локација каде ќе се подигне, Советот носи одлука и именува Одбор за подигање Спомен обележје.
Основни цели на програмата за одбележување значајни настани и истакнати личности со спомен обележја се сочувување и афирмирање на материјалното и духовно наследство кое го оставиле овие личности, сочувување и афирмирање на историскиот идентитет на Општина Гевгелија, како и поттикнување на културниот туризам и локален развој.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
