КРЕАТИВНА РАБОТИЛНИЦА ЗА ГРАДИНАРСТВО ЗА ГЕВГЕЛИСКИТЕ ПЕНЗИОНЕРИ
Членовите на здружението на пензионери од Гевгелија зедоа активно учество на креативната работилница за градинарство кај нивните домаќини од оранжериите на „Хортена“ од Богданци, земјоделско претпријатие за производство на свеж зеленчук како и за преработка на истото.
Пензионерите добија многу корисни информации за производство на пиперка, корнишона, краставица, кинеска и домашна зелка и многу други производи под отворено но и во оранжерии. Исто така домаќините им дадоа корисни информации и совети како може производството на зеленчук да стане пензионерско хоби. Имено, храната во иднина ќе биде се поскапа и затоа секој треба да најде начин за сопствено производство не само од економски аспект туку и како предуслов за добро здравје и благосостојба на секој човек.
Едукативната работилница, пензионерите ја завршија во природа на брегот од браната Паљурци.
Целта на овие работилници кои се дел од проектот „Доживување на втора младост во трета доба“ е промовирање на активното стареење и меѓугенерациската солидарност преку зајакнување на улогата и интеграцијата на постарите во локалната заедница како активни граѓани.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
