НА 1 МАРТ 1913 ГОДИНА ВО ПЕТРОГРАД Е ОБЈАВЕН МЕМОРАНДУМОТ ЗА НЕЗАВИСНОСТ НА МАКЕДОНИЈА
На 1 март 1913 година, седум месеци пред потпишувањето на Букурешкиот договор со кој Македонија беше поделена меѓу Грција, Бугарија, Србија и Албанија, од страна на ополномоштените Македонци, претставниците на Македонската колонија во Петроград (Русија) – Димитрија Чуповски, Наце Димов, Гаврил Константинович и Александар Везенков, беше потпишан меморандум во кој е побарано формирање на независна држава Македонија, и му го предале на министерот за надворешни работи на Велика Британија – Едвард Греј и на амбасадорите на големите сили во Лондон.
Во прилог на овој меморандум, Димитрија Чуповски ја изработил и ја објавил политичко-географската карта на Македонија во нејзините природни, географски, етнички и економско-стопански граници насловена „Карта Македонија“ со поднаслов „по програма на македонските народници“.
Во меморандумот, кој е своевиден прв јавен настап на „ополномоштените Македонци“ пред светската јавност, се изложува и истакнува борбата на Македонците за својата слобода и држава, со акцентирање на учеството на Македонците во Првата балканска војна како рамноправна војувачка страна.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
