РЕВИЈАЛНИ НАТПРЕВАРИ ВО СЕЌАВАЊЕ НА МЛАДИОТ КОШАРКАР НА КК „КОЖУВ“-ИВАН ПЕНОВ

Денес, 19.02. 2024 година се навршуваат три години од трагичната смрт на младиот кошаркар на КК „Кожув“, Иван Пенов. По тој повод , во негова чест, кошаркарскиот клуб и младите таленти од школите на КК „Кожув“, во спортската сала „26 Април“ ќе одиграат два пријателски натпревари. Првиот натпревар ќе го играат М-16 тимот на „Кожув“ против тимот на Спортисимо со почеток од 18:00 часот , додека во вториот натпревар М-18 тимот на КК „Кожув“, кој се натпреварува во првата младинска лига ќе се сретне со тимот на МЗТ Скопје со почеток од 20:00 часот. Пред почетокот на вториот натпревар на семејството Пенови ќе им биде врачен дрес со неговото име.