ХУСЕИН ХАСАНЕФЕНДИЌ-ХУС И „ПАРНИ ВАЉАК“,ДОБИТНИК НА НАГРАДАТА ЗА ЖИВОТНО ДЕЛО „ПОРИН“

Управниот одбор на Порин годинава им ја доделува престижната награда за животно дело Порин на Ерика Крпан, Хусеин Хасанефендиќ и Парни Ваљак!

Порин за животно дело се доделува на уметници кои ја одбележаа хрватската музика со својот труд, работа и успеси, кои испишаа историја и на оние без чие оригинално дело, вокал и талент не можеме да го замислиме светот на музиката.

Годинава тоа се музикологот, уредникот, културниот работник и музички писател Ерика Крпан и музичарот и композитор Хусеин Хасанефендиќ Хус и Парни Ваљак!

 

„Ерика Крпан со сила и бескомпромисност, тврдоглаво и упорно, низ повеќе од шест децении професионален живот „меѓу тоновите“ ја обликуваше нашата средина и ја одбележа хрватската музика…

… Со својата богата и разновидна активност во различни области на музиката, таа на хрватската музичка култура и довери резултати кои продорно и силно одекнаа низ нашиот простор, толку силно што одекнуваат и денес“, напиша Борко Шпољариќ.

Синиша Шкарица во својот текст за Хусеин Хасанефендиќ Хус и Парни Ваљкак меѓу другото вели:

 

„Се сеќавам на првото преслушување на албумот „Будење“, на крајот на ноември 1993 година и на задоволството што можеше да се забележи на лицата на избраната публика. Од првите тактови на „Љубовна“, подобро кажано, ефективно заканувачкиот вовед кој се трансформираше во цврст риф, до величественото финале на „Молива“, споредливо со најуспешните достигнувања на Квин; со пораки за важноста на намерата, можноста за избор, за заборавот, надежта, раните од војната, копнежот, пред се љубовта и прашањата, прашањата… без т.н. филери – кои речиси редовно се придружени со долготрајни изданија – сè, но апсолутно сè, непогрешливо кажаа дека ова е ново ремек дело во нашата поп музика“.