ЗА ПРВ ПАТ ФОРМИРАН ПИНГ-ПОНГ КЛУБ ВО ГЕВГЕЛИЈА-„ГЕВДИОН 2023“

Спортскиот пинг-понг клуб “Гевдион 2023” – Гевгелија е формиран со цел промоција, зголемување на интересот и поттикнување на граѓаните активно да се вклучат во спортот односно развој на пинг-понгот во Гевгелија. Идејата за формирање на Клубот е произлезена од традиционалниот хуманитарен турнир во пинг-понг кој изминативе години го организира Општинската организација на Црвен крст Гевгелија и волонтерите. 

Следејќи ги стапките на младите во заедницата, овој клуб реши да придонесе за развој на пинг-понгот во Гевгелија, поголема вклученост на младите, но и повозрасните, уште од училишните денови за време на часовите по спорт, и надвор од тоа преку рекреативни и професионални тренинзи со цел зајакнување на индивидуалните и колективните вештини за овој спорт и се разбира професионално екипирање и натпреварување. Претседател на клубот е Тони Кавазoв со поддршка од спортските ентузијасти и поддржувачи на идејата. 

Член на клубот може да биде секој граѓанин љубител на спортот. Како клуб изразуваме благодарност до градоначалникот на Општина Гевгелија што ја подржа нашата иницијатива, а воедно упатуваме повик до сите општествено одговорни компании и поедници да се вклучат и го подржат клубот кој за прв пат во историјата на Гевгелија е формиран. Заеднички да испишеме нова историј на клубот и на спортот во Гевгелија.