ОДРЖАНА РАБОТИЛНИЦА НА НВО „ПОДДРШКА“ НА ТЕМА „ЕДНАКВИ ПРАВА ЗА СИТЕ“

Здружението на граѓани „Поддршка“ од Гевгелија започнувајќи од 1 јуни 2023 година, па до 31 мај 2024 година во Општина Гевгелија го спроведува проектот „Еднакви права за сите“. Бидејќи дискриминација и родово базираното насилство претставува најраспространета форма на кршење на човековите права, сметавме дека постои потреба од ваков проект за подигање на јавната свест и менување на ставовите кои ќе доведат и до промена во однесувањето. Покрај големиот број на активности кои некои се веке спроведени а дел се спроведуваат и ќе продолжат во месеците кои доаѓаат, денес се одржа и планираната работилница со претставници на Невладини здруженија во опоштина Гевгелија. 

Целта на оваа работилница е да ги запознаеме присутните со зголемеите случаеви на насилство и дискриминација во нашата средина и потребата од вклучување на сите релевантни фактори за нивно препознавање, соодбветно третирање и превентивно делување. Сметаме дека сите институции и здруженија во доменот на своето работење и делување треба да преземаат одредени активности , проекти и интервенции за сузбивање на овие деструктивни појави и заштита на целокупното население во општината од дискриминација и насилство.

 

На работилницата имаше повеќе претставници од невладин сектор и на истата се разви плодна дискусија и со единствен став и заклучок дека секој во својот домен може да придонесе за превенирање на овие појави и заштита на потенцијалните жртви во иднина. Се надеваме дека со нашата работилница покрај стекнување со нови информации и знаења за дискриминацијата и насилството, го зајакнавме и капацитетот на невладините здруженија кои со свои активности би делувале за превенирање на овие девијантни појави.