ВТОР ФОРУМ ВО ЗАЕДНИЦАТА ВО ГЕВГЕЛИЈА. ЌЕ СЕ ПРЕЗЕНТИРААТ ШЕСТ ИДЕИ ЗА ЗАШТИТА НА ЖИВОТНАТА СРЕДИНА

На 4 декември 2023 година, Општина Гевгелија го организира Вториот форум во заедницата за презентација на шесте предлог-идеи за заштита на животната средина, коишто граѓаните ги избраа за развивање концепти на првата форумска сесија.

Имено,

На првиот Форум, граѓаните како најважни решенија за општина Гевгелија и подготовка на концепти ги предложи: – Изградба на велосипедска и пешачка патека- адаптирани и за лицата со попреченост, – Уредување на паркот и реконструкција на објектот во Смрдлива Вода и негова адаптација за користење и од лицата со попреченост, – Изградба на спортско-рекреативен парк и рехабилитација на веќе постоечките со содржини за лицата со попреченост, деца и возрасни, – Селекција и рециклирање на отпад и – Собирен центар за употреблив отпад од домаќинаствата.

Формираните работни групи од учесниците изработија концепти и ќе ги промовираат на втората Форумска сесија која ќе се одржи во Угостителската сала на СОУ „Јосиф Јосифовски“- Гевгелија, со почеток во 17:00 часот.

 

Форумите во заедницата, Општина Гевгелија ги спроведува во соработка со УНДП и Швајцарската агенција за развој и сорабока во рамки на Проектот: „Зајакнување на општинските совети“. Програмата „Зајакнување на општинските совети- Фаза 2“ ја финансираат Швајцарската влада и Министерството за локална самоуправа, а ја кофинансира и спроведува Програмата за развој на Обединетите нации (УНДП) во соработка со национални и локални партнери.