НАСКОРО ЌЕ БИДЕ ОФИЦИЈАЛИЗИРАНА ИНИЦИЈАТИВАТА ЗА ПРОГЛАСУВАЊЕ НА „КОЖУФ“ ЗА НАЦИОНАЛЕН ПАРК
На последната седница на Советот на Општина Гевгелија, градоначалникот Андон Сарамандов ги запозна советниците и јавноста со иницијативата на градоначалниците на Гевгелија, Кавадарци и Демир Капија, како и на повеќе невладини организации и десетмина професори од Природно-математичкиот факултет за преземената иницијатива, планината Кожуф да се прогласи за национален парк.
За таа цел, потребна е изработка на физибилити студија која би требало да биде финансирана со средства од овие три општини, а чија изработка би траела три години. Доколку се оствари оваа иницијатива, се очекува не само трајно да се зачуваат природните богатства на планината „Кожуф“, туку и подем на регионалниот и туристичкиот развој на општините Кавадарци, Демир Капија и Гевгелија.
Инаку, во Македонија има четири национални парка, Пелистер, Галичица, Маврово и Шар планина, а доколку успее иницијативата за Кожуф, тоа би бил прв национален парк во југоисточниот дел на нашата земја.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
