КК „ГЕВГЕЛИЈА“ И ПОКРАЈ ТЕНДЕНЦИОЗНОТО СУДЕЊЕ ВО СТРУМИЦА ОСТАНУВААТ „НЕПОБЕДЕНИ“ ВО ТРЕТАТА ЛИГА „ИСТОК“
Иако, во деветтото коло играа со последно пласираната екипа на Истокот, КК „Ролинг 08“ во Струмица, гевгелиските кошаркари многу потешко одошто очекуваа, дојдоа до деветтата победа во деветтиот натпревар.
Причината, според тренерот Алексовски е тенденциозното судење на судијата од Струмица, кој „судеше на наша штета, судејќи некои проблематични лични на нашите најдобри играчи, за да во продолжението, ми досуди неоправдано исклучување поради мое барање да објасни зошто така суди“, истакнува Алексовски.
Сепак, и покрај сето тоа, и покрај големата негатива што ја имаа во текот на натпреварот, сепак младите гевгелиски кошаркари, најдоа доволно мотив и сила да дојдат до продолженија, и на крајот да го добијат натпреварот со 75-84.
Со оваа победа, гевгеличани остануваат на првото место со скор девет победи во девет кола, и доколку утре, сабота, 23 декември, во спортската сала „26 Април“ извојуваат победа над екипата на КК „Бутел“, ќе го завршат есенскиот дел од првенството како лидери во Третата кошаркарска лига-Исток.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
