УЧЕНИЦИ И НАСТАВНИЦИ ОД ООМУ „ВАСО КАРАЈАНОВ“ ПРИСУСТВУВАА НА БАЛЕТСКАТА ПРЕТСТАВА „ЗАСПАНАТА УБАВИЦА“ ВО СКОПЈЕ

Ученици и наставници од ООМУ „Васо Карајанов“ – Гевгелија на 21.11.2023 година присуствуваа на наставно – едукативна посета во Националната опера и балет во Скопје на балетската претстава „Заспаната убавица“ која беше реализирана од страна на професионалниот балетски ансамбл, солисти и оркестарот на НОБ. Многубројната публика со воодушевување и долготраен аплауз го проследи овој настан. Со гордост и особено задоволство беа проследени и танцовите улоги на поранешните ученици на ООМУ „Васо Карајанов’, кои првите балетски движења ги стекнаа токму во ова училиште. Станува збор за Вили Карајанова и Тодор Стојанов кои денес се професионални балетски уметници и членови на балетскиот ансамбл на Националната опера и балет.