ТЕАТАРСКАТА ПРЕТСТАВА „ВИДИ ЛЕТАМ“ ПРЕД ГЕВГЕЛИЧАНИ

Во Народниот театар- Гевгелија на 29 ноември 2023 година, среда, ќе гостува Вондерленд театар со театарскиот проект „Види летам“. Претставата ќе започе во 19:00 часот, а влезот е бесплатен.

Искуства на бегалци и лица без државјанство во фокусот на нова театарска претстава „Види, летам!“ Вондерленд театар го претставува својот најнов театарски проект, „Види, летам!“ – истражување на предизвиците со кои се соочуваат лицата со статус на бегалци, барателите на азил и лицата без државјанство. Текстот за претставата го напиша Ана Трепноска и е инспириран автентичните искази и приказни на луѓето со кои и за кои работи УНХЦР.

Овие лица храбро ги споделија своите искуства анонимно за време на работилниците водени од тимот на Вондерленд Театар. Проектот е во режија на Ивана Ангеловска, а под креативно водство на уметничкиот координатор Нела Витошевиќ, претставата ветува привлечна и емотивно звучна изведба. Во претставата играат актерите Никола Настоски, Исмет Шабановиќ, Ана Димитрова, Леонардо Лазов и Драгана Костадиновска. Поддржан од Високиот комесаријат на ОН за бегалци (УНЦХР) и Младинскиот образовен форум (МОФ), „Види, летам“ на Вондрленд Театар се обидува да ја поттикне емпатијата со бегалците и лицата без државјанство. Со доближување на овие важни човечки приказни, продукцијата има за цел да поттикне подлабоко разбирање и поврзување во нашата заедница.

 

Вондерленд театар е независна театарска продукција со седиште во Скопје. Главните цели на продукцијата се инспирација за промени, континуирано поместување на стандардите на следното ниво и внесување свежина на независната уметничка сцена, експериментирајќи со алтернативни места и виртуелен простор. Сепак, бескрајните можности за истражување и преиспитување на театарот се земјата на чудата пред нас што чека да биде откриена.