ПРОДАДЕНИ СИТЕ ШЕСТ ПАРЦЕЛИ ЗА ДОМУВАЊЕ НА „КАРАОРМАН“
На последното електронското јавно наддавање за отуѓување на градежно земјиште во Општина Гевгелија, продадени се сите 6 градежни парцели за домување во станбени куќи на „Караорман“. На Jавниот повик за учество во наддавањето, се пријавиле 16 понудувачи, стои во Извештајот за спроведена постапка за јавно наддавање за отуѓување на градежно земјиште. За шесте парцели, чија почетна цена изнесуваше 61 денар по метар квадратен, на електронското јавно наддавање се постигнати цени од 1.800 денари до 2.800 денари по метар квадратен. Односно, од продадените градежни цели обезбедена е вкупна сума од 5.506.550 денари.
По спроведената постапка за јавното наддавање, Комисијата за спроведување на постапки за отуѓување на градежно земјиште изготви поединечни записници за сите шест парцели и истите електронски ги достави до сите учесници на јавното наддавање. По изминување на законскиот рок од 3 дена за поднесување приговори од учесниците, ќе продолжи постапката за отуѓување на предметното земјиште согласно Законот за градежно земјиште.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
