KK „ГЕВГЕЛИЈА“ ЈА ПРОДОЛЖУВА ПОБЕДНИЧКАТА СЕРИЈА ВО ТРЕТАТА ЛИГА-ИСТОК
И по одиграните 6 кола, екипата на тренерот Мицко Алексовски останува со максимален ефект, шест победи од шест натпревари во натпреварувањето на Третата кошаркарска лига-Исток, со што се зацврсти на првото место на табелата.
Во неделата, гевгелиските кошаркари, во спортската сала „26-ти Април“ ја пречекаа екипата на Феникс Спорт“ од Скопје. По првата четвртина која заврши со резултат 23-15 за „Гевгелија“, следуваше лоша втора четвртина која гевгеличани ја загубија со 16-32, па така на полувреме се отиде со предност на гостите од Скопје од 8 кошеви разлика- 39-47.
Сепак, во третата и четвртата четвртина квалитетот на гевгеличани дојде до израз, па со одлична тактичка игра, тие го добија второто полувреме со 17 кошеви разлика, за конечен резултат 90-81.
За екипата на „Гевгелија“ настапија Каркалашев, Букршлиев, Шутаров, Старделов, Динев, Најдоски, Јанчев, Ичев, Јакимовски, Колев, Кузманов и Карајанов.
„Доколку продолжиме и понатаму со вакви добри игри, се надеваме дека ќе успееме да се пласираме во плеј оф завршницата и да избориме пласман во Втората кошаркарска лига,“ ни изјави тренерот Алексовски.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
