ИНКЛУЗИВНА ТРКА „RUN TOGETHER“ И ДОБРОТВОРЕН САЕМ „ИСЧЕКОРЕТЕ И ПОДАРЕТЕ“ НА ФОНДАЦИЈАТА „ИЦЕ БЕГОВ“ И ФОНДАЦИЈАТА „АПОЛОНИЈА“
Во сабота, на 4 ноември, во Гевгелија ќе се организира првата инклузивна трка во која ќе земат учество и лицата со попреченост, под име “ТРЧАЊЕТО НЕ ПОЗНАВА ГРАНИЦИ” – RUN TOGETHER во организација на ФОНДАЦИЈАТА „ИЦЕ БЕГОВ“ и АТЛЕТСКИОТ КЛУБ „7-МИ НОЕМВРИ“ од Гевгелија.
Истовремено „ФОНДАЦИЈАТА АПОЛОНИЈА“, во рамките на овој настан, организира Добротворен саем, под името „Исчекорете и подарете“, како дел од проектот на USAID „Здружи се за заедницата„ кој го спроведува Здружението КОНЕКТ од Скопје, во партнерство со „Фондацијата Аполонија“ и компаниите „Индиго“ и ЕВН.
На саемот ќе учествуваат граѓански организации и училишта кои на свои посебни штандови ќе ги изложат и продаваат своите ракотворби и производи, а и ќе собираат донации за своите цели и активности. Сите собрани средства ќе бидат употребени за добротворни цели, како на пример: Фондацијата Ице Бегов ќе опреми посебен парк; Центарот Мајка Тереза и Дневниот Центар ќе ги употребат за работилници, училиштата за хуманитарни акции за лица со попреченост,…
Учесници на добротворниот саем ќе бидат: Дневен Центар за лица со попpeченост Гевгелија, Национална Алијанса за лица со посебни потреби – Центар „Мајка Тереза“ Гевгелија, Здружение „Исчекор – општество за сите“ Валандово, Здружение на лица со церебрална парализа и други попречености – Велес, „Аутизам ААМК“ – Скопје, Ангела Димитриевска, поетеса од Скопје, Фондација „Ице Бегов“, Фондација „Аполонија“, ООУ „Владо Кантарџиев“ – Гевгелија, ООУ „Крсте Мисирков“ – Гевгелија, ООУ „Ристо Шуклев“ – Негорци, ООУ „Климент Охридски“ – Миравци, СОУ „Јосиф Јосифовски“- Гевгелија и СОУ „Гоце Делчев“ – Валандово.
„RUN TOGETHER” е уникатен спортски настан преку кој сакаме да докажеме дека секој чекор е важен, без разлика на способноста. Обединети, без ограничување и подделби по било која основа, ќе трчаме залагајќи се за колективна физичка и ментална благосостојба, заедништво и целосна социјална интеграција на лицата со попреченост.
Добротворен саем ќе се одржи од 12.00 до 16.00 часот (плоштад Гевгелија пред фонтаната), а во случај на дожд на терасата на хотел Аполонија.
Трката „Run together“ ќе започне во 13,30 часот пред споменикот на „Сава Михајлов“.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
