ГЕВГЕЛИСКИТЕ ТОЧКАЏИИ ЈА ПИШУВААТ ИСТОРИЈАТА. СЕ ОДРЖА ЧЕТВРТОТО ПО РЕД ДЕФИЛЕ „ГЕВГЕЛИЈА НА ТОЧАК“
Во организација на Здружението на граѓани „Чејнџмејкерс“, и велосипедскиот клуб „Точак клуб“, и годинава во чест на 7-ми Ноември, беше одржано четвртото спортското дефиле „Гевгелија на точак“, кое ја оживеа традицијата на седмоноемвриските трки од 50-те и 60-те години на велосипед по гевгелиските улици, почнувајќи од 2020 година.
Спортскиот настан се одржа вчера, недела, на 12 ноември, со почеток во 14:00 часот. Стартот, како и секогаш беше пред Зградата на стариот Извршен совет, на улицата „Маршал Тито“. Вкупната должина на патеката за возење со велосипедите по гевгелиските улици изнесуваше 5 километри.
Организаторот е повеќе од задоволен од одзивот на гевгеличани. Еве што, по дефилето ни изјави Марина Томова, претседателка на здружението „Чејнџмејкерс“:
„Среќни сме, најнапред што се помина во најдобар ред, немаше никакви инциденти, повреди и слично, и сите учесници си заминаа со позитивна енергија од дефилето. Интересот оваа година беше над очекувањата, бидејќи на стартот се појавија речиси над 1000 велосипедисти, од најмали до највозрасни. Гевгелија е „измислен“ град за точак, бидејќи е „рамна ко тепсија“, а ние како организатори и натаму ќе работиме на подигнување на свеста кај сите гевгеличани, особено кај помладите, возењето со автомобил што повеќе да го заменат со возењето велосипед, или точак, како сакате.“
Настанот е поддржан од Општина Гевгелија преку Програмата за финансирање на спортските манифестации и настани за 2023 година.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
