НА 10 СЕПТЕМВРИ 1925 ГОДИНА ВО ПАРИЗ ИЗЛЕЗЕ ПРВИОТ БРОЈ НА ВЕСНИКОТ „МАКЕДОНСКО ДЕЛО“ КОЈ ЈА ЗАСТАПУВАЛ ИДЕЈАТА ЗА САМОСТОЈНА МАКЕДОНИЈА

Во Париз излезе првиот број на весникот „Македонско дело“, орган на ВМРО (Обединета). Излегуваше и во Берлин и во Виена. Главен уредник беше Владимир Поп Томов, а во редакцијата беа Димитар Влахов, Јордан Атанасов, Дино Косев, Т. Рилски и други. Ги спроведуваше идеите што беа во основата на Мајскиот манифест – борба против режимите на Бугарија, Југославија и Грција, а за независна Македонија во федерација на слободните балкански народи.Весникот успеал да издаде вкупно 179 броеви од кои последниот на 25 мај 1933 година. Низ своето постоење, весникот е еден од ретките весници во тоа време кои ја застапувале идејата за самостојна македонска нација.