НА 11 АВГУСТ 1992 ГОДИНА СО ОДЛУКА НА СОБРАНИЕТО НА РЕПУБЛИКА МАКЕДОНИЈА НА ПРЕДЛОГ НА ТОДОР ПЕТРОВ БИЛО УСВОЕНО ЗНАМЕТО СО ЅВЕЗДАТА ОД КУТЛЕШ

Со одлука на Собранието на Република Македонија, на 11 август 1992 година, било усвоено знамето со ѕвездата од Кутлеш, црвено со златно-жолто сонце, со осум основни и осум споредни сончеви зраци. Тоа било употребувано во периодот од 1992 до 1995 година, што довело до масовни протести во Грција, поради наводните „ексклузивни права“ на користење на симболот од грчка страна. Првиот предлог за знаме на Македонија, односно Ѕвездата од Кутлеш, била поднесена до собранието од Тодор Петров на 6 август 1992 година. Денес ова знаме го користат македонските заедници и организации во Македонија, соседните држави и странство.