НАЈСКАПИОТ ВЕЛОСИПЕД ВО СВЕТОТ Е СТАР 60 ГОДИНИ И НЕГОВАТА ЦЕНА ДЕНЕС ДОСТИГНУВА 46.000 ЕВРА

Вистинско богатство е скриено во куќата во еден двор во населбата Тексас во градот Вараждин, Република Хрватска.. Меѓу миленичињата на неговиот сопственик, Живко Скухало, се наоѓа и најскапиот велосипед на светот.

Имено, тој има прекрасен Музеј за стари возила, што овој вараждински љубител на стари работи ги гледа и чува како око во главата своја. 

Меѓу „миленичињата“ на Живко е и најскапиот велосипед во светот, црвената убавица изработена од стаклена пластика. Марката на велосипедот е Spacelander. Името му одговара совршено, тој е целосно – вселенски. Елегантни линии, како да се направени од едно парче материјал. Има и радио на воланот, двојни светла во предниот и задниот дел.

Парадоксално, токму таквата убавина на овој велосипед му обезбеди банкрот на неговиот дизајнер..

– Со ваков футуристички изглед, не им личеше на велосипед на луѓето, а во исто време беше многу скап. Само 522 парчиња беа произведени. Тој беше дизајниран од американскиот индустриски дизајнер Бенџамин Боуден. Кога е направен, во 1960 година, тој беше далеку пред своето време. Изградбата е прогласена за најубав дизајн на деценијата. Овие велосипеди многу ретко се продаваат, а последниот достигна цена од 42.000 американски долари, а денес би чинела дури и повеќе. Никој не знае кој ги поседува другите велосипеди и дали некој од нив е јавно изложен. Само е сигурно дека во Европа Спејслендерот може да се види јавно , само во Вараждин.