ПЕТ ГРАЃАНСКИ ОРГАНИЗАЦИИ ОД ГЕВГЕЛИЈА ГИ ПРЕТСТАВИЈА СВОИТЕ ПРОЕКТИ ВО РАМКИ НА ПРОГРАМАТА RELOAD НА UNDP ВО СКОПЈЕ

45 граѓански организации од осум општини во државата меѓу кои и пет од Гевгелија , „Од станица до граница“, СВАМ Спа Веленес Асоцијација на Македонија, АМД „Дичо Панов“, Фондација „Аполонија“ и „Поддршка“ , на информативната средба во Скопје, ги претставија своите проекти за млади, социјална кохезија и инклузија, човекови права, заштита на животната средина, култура, туризам, кои ги имплементираат во рамки на Регионалната програма за локална демократија во Западен Балкан 2 (ReLOaD 2) На средбата, амбасадорот на ЕУ, Дејвид Гир и постојаниот претставник на УНДП, Армен Григоријан им честитаа за нивните заложби и иницијативи за подобрување на квалитетот на живот во локалните заедници и за давање поддршка на оние на кои им е најпотребна. 

Програмата ReLOaD, чија главна цел е зајакнување на партнерството помеѓу локалните власти и граѓанското општество, се имплементира во партнерските општини Општина Гостивар, Општина Охрид, Општина Куманово, Општина Битола , Општина Велес, Општина Гевгелија, Општина Кочани и Општина Крива Паланка. ReLOaD2 се реализира со финансиска поддршка на Европската Унија, а ја имплементираат УНДП со партнерските општини.