НА 2 МАЈ 1903 ГОДИНА ВО СЕЛОТО СМИЛЕВО, ДЕМИРХИСАРСКО, ЗАПОЧНАЛ СО РАБОТА ЛЕГЕНДАРНИОТ СМИЛЕВСКИ КОНГРЕС
Во селото Смилево, Демирхисарско, почнал Смилевскиот конгрес на Битолскиот револуционерен округ на ТМРО. За претседател на Конгресот бил избран Даме Груев. Мнозинството на Конгресот се изјасни за кревање востание. На денешен ден 2 мај 1903 година започнува со работа легендарниот Смилевски конгрес. Конгресот се одржува во родното село на Даме Груев- Смилево.
На него учествувале 32 делегати, под претседателство на Дамјан (Даме) Груев. За обезбедување на Конгресот биле ангажирани околу 2000 вооружени лица; на пристапите кон Смилево биле поставени засилени стражи, местото го обезбедувала селската милиција, а врските со револуционерните центри ги одржувала курирска служба.
Бил усвоен Востаничкиот дисциплински устав и била воспоставена структура од воени и од управни тела и биле определени нивните должности до и во времето на Востанието. Целото село било мобилизирано и сите способни мажи од селото биле на борбени позиции за да го обезбедуваат Конгресот. Смилевскиот конгрес трае до 7 мај и на истиот се носи одлуката за Илинденското востание.
