ЧЕСТВУВАЊЕТО НА СПАСОВДЕН 2023 ЗАПОЧНУВА СО „РАСПЕАНА ЧАРШИЈА“

Од утре (24 мај 2023 година), започнува културното празнување на заштитникот на градот Гевгелија, Вознесение Христово- Спасовден, со традиционалната манифестација „Распеана чаршија“, во рамки на тридневната културна програма што ја организира ЈОУ Дом на култура „Македонија“- Гевгелија под покровителство на Општина Гевгелија. Почеток на тридневната културна програма ќе биде означен со дефиле на културно-уметничките друштва и ансамбли за староградска музика и песна- учесници во „Распеана чаршија“ низ гевгелиските улици, со почеток од 18:30 часот. „Распеана чаршија“ ќе ја отворат домаќините- амбасадори на староградската музика и песна, КУД „Распеани гевгеличани“, на платото пред Народниот театар- Гевгелија, со почеток во 19:00 часот. Годинашни учесници се: „Распеани кривопаланчани“, „Распеани валандовчани“, Здружение на пензионери „Орнаменти“- Штип, „Распеани струмичани“, „Тамбураши“- Свети Николе и „Распеани велешани“.