ФОНДАЦИЈАТА „ИЦЕ БЕГОВ“ ДОНИРАШЕ НАМЕНСКО ВОЗИЛО СО ПРИСТАПНА РАМПА НА ОПШТИНА ГЕВГЕЛИЈА
Денеска, на мала свеченост во малата сала на Народниот театар, Фондацијата Ице Бегов и Општина Гевгелија потпишаа Договор со кој Фондацијата донираше специјално наменско возило со пристапна рампа кое ќе го користи Општина Гевгелија за превоз на лица со телесен инвалидитет и друга попреченост.
На потпишувањето на овој Договор, за кој Советот на Општина Гевгелија, на својата последна седница донесе одлука за прифаќање на оваа донација, присуствуваа Градоначалникот Андон Сарамандов, најблиските роднини и пријатели на Бегов, членови на Фондацијата како и членови на Здруженија на лица со попреченост во развојот и телесен инвалидитет од Општина Гевгелија.
Заблагодарувајќи се на оваа донација, Градоначалникот Сарамандов ја искажа својата благодарност за овој хуман гест на членовите на Фондацијата, која и досега со слични проекти помагаше таму каде што имаше потреба. Конкретно, рече тој, ова наменско возило ќе биде од големо значење не само за Општина Гевгелија туку и за сите корисници од социјално загрозените и ранливи категории, корисници на бесплатниот превоз кој го организира општината.
Фондацијата ИЦЕ БЕГОВ во Скопје е основана со цел вршење хуманитарни активности, поддршка и помош преку собирање средства и нивно насочување кон социјално загрозени категории лица и семејства, маргинализирана група граѓани, ранлива категорија граѓани, како и лица со попреченост.
Секој човек, истакнаа од Фондацијата, заслужува да ја почувствува човечноста на другиот: внимание, љубов, радост, верба, среќа и надеж за подобро утре, токму како што ИЦЕ БЕГОВ неизмерно ја споделуваше со неговото чисто и невино срце.
ИЦЕ БЕГОВ е роден на 28.07.1995 година во Гевгелија. Детството и школувањето го помина во Скопје. Неговата личност и карактер е синоним за вистински пријател, брат, верен другар, со чиста љубов која ја ширеше кај секого ива категорија граѓани, како и лица со попреченост.
Темпераментноста беше негова препознатлива карактеристика, а особено неговиот афинитет кон повеќе професии, меѓу кои: музиката, ветеринарството, занаетчиството особено кон неговата омилена професија електроинсталатер.
Темпераментноста беше негова препознатлива карактеристика, а особено неговиот афинитет кон повеќе професии, меѓу кои: музиката, ветеринарството, занаетчиството особено кон неговата омилена професија електроинсталатер.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
