ЗАПОЧНУВА ПИЛОТ ПРОЕКТ ЗА СЕЛЕКЦИЈА НА ОТПАДОТ ВО ОПШТИНА ГЕВГЕЛИЈА

WEB Телевизија во живо

Во наредниот период ЈПКД „Комуналец“ Гевгелија, во соработка со „Пакомак“ започнува со нов начин на третирање на комуналниот отпад од домаќинствата и правните лица. Проектот опфаќа издвојување-селектирање на: хартија, пластика и лименки од останатиот отпад.
 
Во првата фаза како Пилот-прект ќе биде опфатен само еден дел од градот, а во наредниот период од страна на Општина Гевгелија и ЈПКД „Комуналец“ ќе се обезбеди по една канта за секое домаќинство.
 
Исто така, предвидено е во наредниот период да се започне и со интензивна кампања за подигање на свеста на граѓаните за селектирање на отпадот.
 
Ова е прв чекор од процесот што следува, вели градоначалникот Сарамандов, со цел да се обезбеди соодветно селектирање и собирање на комуналниот отпад, а на тој начин да се обезбеди почиста животна средина.
 
Пакомак е непрофитна компанија, чија дејност е управување со отпадот од пакување. Целта на компанијата е да изгради долготрајна и цврста соработка со своите клиенти и со државата и согласно со европските регулативи – да го минимизира негативното влијание на амбалажниот отпад врз животната средина, да промовира одговорен однос на компаниите кон амбалажниот отпад, овозможувајќи со тоа поквалитетен живот за сите.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *