НА „ВИЗ ЕР МАРАТОНОТ“ ВО СКОПЈЕ ТРЕТО МЕСТО ВО ШТАФЕТНИОТ МАРАТОН ЗА АК „7-МИ НОЕМВРИ“ И ЧЕТВРТО ЗА РИСТО ЧАЛКОВ НА 5 КИЛОМЕТРИ
Атлетичарите на клубот „7-ми Ноември“, продолжуваат со успешните настапи на спортските атлетски настани.
На еден од најпознатите спортски настани во Македонија, Виз Ер Скопскиот маратон, кој претпладнево се одржа во главниот град на Македонија, настапија над 20 атлетичари од гевгелискиот клуб, во сите четири трки – маратонот, полумаратонот, штафетниот маратон, – „ЕУ за спортот“ и трката на 5 километри.
Голем успех постигна екипата на „7-ми Ноември“ во состав Тодор Анчев, Атанас Епов, Ристо Чалков и Никола Ковачев, во штафетниот маратон, освојуваќи го високото трето место, а им недостасуваа 40-на секунди да го освојат второто место.
Во трката на 5 километри, Ристо Чалков го освои четвртото место, кај мажите, додека кај жените, Дијана Ѓоргиева го освои 11-то место.
Солидни резултати постигнаа и останатите атлетичари на атлетскиот клуб од Гевгелија, со што уште еднаш ги израдуваа љубителите на атлетиката во својот роден град.
Онесмус Киплимо Киплагат од Кенија е победник на Скопскиот маратон 2022 година. Тој патеката долга 42 километри низ македонскиот главен град ја мина со време од 2:18:19 часа.
Зад него финишираше најдобриот македонски атлетичар Дарио Ивановски, кој задоцни пет минути, односно имаше време од 2:23:07 часа. На победничкиот подиум имаше место за уште еден Македонец, Никола Илиевски.
Кетрин Черотич од Кенија славеше во женска конкуренција со време од 2:38:48 часа, а зад неа заврши нашата натпреварувачка Биљана Кираџиева со 3:04:49 часа.
Во полумаратон во женска конкуренција славеше нашата Адријана Поп Арсова со време од 1:16:12 часа. Зад неа финишираше Греса Бакрачи од Косово, а на подиумот имае место за уште една Македонка Миљана Ристиќ.
На машкиот полумаратон, подиумот беше целосно македонски, а победник беше Жан Тошев со време од 1:11:56 часа, втор беше Иван Пешовски, а трет Атанас Анчевски.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
