СОВЕТОТ НА ОПШТИНА ГЕВГЕЛИЈА ДОНЕСЕ ОДЛУКА ЗА ПРОДОЛЖУВАЊЕ НА РАБОТНОТО ВРЕМЕ НА УГОСТИТЕЛСКИТЕ ОБЈЕКТИ ПО ПОВОД МАНИФЕСТАЦИЈАТА „БЕЛА НОЌ“ ПРИФАТЕН ПРЕДЛОГОТ НА ПЕТАР АПОСТОЛОВ ВО ИДНИНА СЕКТОРОТ ЗА ЈАВНИ ДЕЈНОСТИ И ЛЕР ДА БИДЕ НОСИТЕЛ НА ОВОЈ НАСТАН

Советот на Општина Гевгелија денеска, среда, 17-ти август ја одржа својата 13 седница. Советниците донесоа одлука за продолжување на работното време на угостителските објекти во општина Гевгелија, а по повод организирањето на манифестацијата „Бела ноќ“. Продолжувањето на работното време од два часа ќе важи на 27 август 2022 година(сабота). На седницата беше прифатен предлог заклучокот на советникот Петар Апостолов, во наредните години, организатор на оваа манифестација да биде Секторот за јавни дејности и Локален економски развој при Општина Гевгелија. Тоа, рече Апостолов, произлегува од фактот што ваква манифестација подразбира одржување на концерти, изложби, посети на музејот, театарски претстави, поетски читања и слично, што е во надлежност токму на овој Сектор за јавни дејности и Локален економски развој