„CROATIA RECORDS“, EКС „ЈУГОТОН“ ПРОСЛАВИ 75 ГОДИНИ ПОСТОЕЊЕ
Croatia Records, поранешен Југотон, прослави седумдесет и пет години од своето работење и постоење! Најголемата дискографска куќа на овие простори е основана под името Југотон на 10 јули 1947 година во Загреб. Истата година била објавена првата плоча, сингл под каталошкиот број Ј-1001, на кој има две далматински композиции „Ti tvoji zubići“ и „Jedan mali brodić“ во изведба на загрепскиот машки квинтет. Веќе првата година беа произведени 33.000 грамофонски плочи. Винилните лонгплејки се произведоа за прв пат во 1956 година, а истата година беше објавена првата соло плоча на популарна музика „Пјева вам Иво Робиќ“, на легендарниот Иво Робиќ.
Во 1957 година почнале да се објавуваат синглови (45 вртежи во минута) и ЕП (33 вртежи во минута Само три години подоцна произведени се над 1.400.000 плочи, а побарувачката за плочи растеше заедно со производството на 100.000 грамофони. Во тоа време, фабриката произведуваше повеќе од 16 милиони плочи годишно, го усвои производството на плочи во стерео техника и беа поставени темелите за натамошно проширување на асортиманот.
Фабриката за грамофонски плочи на Југотон на многу начини помогна за растежот на музиката на овие простори. Тука се продуцирани култните албуми на Бијело Дугме, Азра, Идоли, Хаустор, Електрични оргазам, Иво Робиќ, Арсен Дедиќ, Мишо Ковач и многу други големи имиња. Се склучија и првите договори за лиценца со дискографските куќи „РЦА“, германската компанија „Полидор“ и британската „Дека“, како и со светските изданија на винилите на Елвис Присли, Битлси, Ролинг Стоунс и подоцна Мадона, U2, Дејвид Боуви, Eurythmics, Kraftwerk, Queen, Deep Purple, Pink Floyd, Iron Maiden и многу други. Во ноември 1968 година беше издаден првиот југословенски рок албум на винил „Наши дани“ на загрепската група Група 220. Југотон го достигна врвот во седумдесеттите и осумдесеттите години на минатиот век. Винилните плочи беа произведувани во милионски тираж. Најпродаван солист беше Мишо Ковач, а најпродаван бенд Нови фосили. Тој период денес се нарекува златно време на југословенската дискографија.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
