ВАНЕ СТОЈАНОВ ГО ОСВОИ ЧЕТВРТОТО МЕСТО НА ДРЖАВНО ПРВЕНСТВО НА БАРМЕНИ ВО СКОПЈЕ
ВАНЕ СТОЈАНОВ ОД ГЕВГЕЛИЈА ГО ОСВОИ ЧЕТВРТОТО МЕСТО НА 13-ТО ДРЖАВНО ПРВЕНСТВО НА БАРМЕНИ ВО СКОПЈЕ.
Дваесет бармени и барменки учествуваа на 13-то Државно првенство на бармени во организација на Здружението на бармени на Македонија, а најдобриот од нив, Петар Ставрески оди на Светското првенство во Куба.
Натпреварот се одвиваше во ресторанот „Фор“., а меѓу учесниците беше и гевгеличанецот Ване Стојанов.
По натпреварот еве што ни изјави тој:
„Во многу неизвесен натпревар и во тесна конкуренција, бидејќи малку бодови ги делеа победниците, успеав да го освојам четвртото место, што е голема чест за мене и за Хотелот „Фламинго“ каде сум вработен.
Инаку, одлична беше организацијата а посебно ми е мило што после три години пауза се видовме со колеги со кои се натпреварувам уште од самиот почеток на овие првенства.“
Да напоменеме дека судија на овој натпревар беше уште еден гевгеличанец, Методи Перуновски, кој воедно е и потпретседател на Здружението на бармени на Македонија.
