НАГРАДЕНИ НАЈДОБРИТЕ ГРУПНИ ПРВОАПРИЛСКИ ДЕТСКИ МАСКИ

Денот на шегата, 1 Април, во Гевгелија беше одбележан со одржувањето на традиционалната „Априлијада“, во организација на Пионерскиот дом „Јосип Броз Тито“. Децата од нижите одделенија како и дечињата од возрасните групи во детските градинки ги презентираа групните маски со пред своите родители и многубројната публика. Комисијата задолжена за оценување на групните маски, во состав : Мирјана Крстева Массетти, Андриана Манчева и Милена Стамкова, донесе одлука да бидат наградени следниве 5 групни маски: „Пирати“- I г одд. од ООУ „Крсте Мисирков“- Гевгелија, „Рококо“- III 2 oдд. од ООУ „Владо Кантарџиев“- Гевгелија, „Корона чао“- III a одд. од ООУ „Крсте Мисирков“- Гевгелија, „Рокери“- V 2 одд. од ООУ „Владо Кантарџиев“- Гевгелија и „Сложувалка“- IV в одд. од ООУ „Крсте Мисирков“- Гевгелија. Жири-комисијата одлучи да додели и една специјална награда на групата „Пеперутка“ од ЈОУДГ „Детска радост“- Гевгелија за маската „Весели рибички“.