18 АПРИЛ, МЕЃУНАРОДЕН ДЕН НА КУЛТУРНОТО НАСЛЕДСТВО
ВО ОПШТИНА ГЕВГЕЛИЈА ПОСТОЈАТ 18 ОБЈЕКТИ ПРОГЛАСЕНИ ЗА КУЛТУРНО НАСЛЕДСТВО НА МАКЕДОНИЈА.
Амам, Железничка станица,Библиотека „Гоце Делчев“,Кангов конак, Андреев конак, Вила „Тина“, Народен музеј, Општина Гевгелија, куќа на Маршал Тито бр.170, „Вардарски рид, Гевгелиска чаршија, Училишна зграда во Конско, Црква „Св. Димитриј и Агова чешма во Смоквица, Археолошки наоѓалишта кај Сува река, во Милетково и во Прдејци и училиштата во Кованец и Серменин.
Ова е список на објекти прогласени за културно наследство на Македонија на подрачјето на Општина Гевгелија според евиденцијата во Регистарот на културно наследство на Управата за заштита на културното наследство на Македонија (УЗКН).
Некој од нив се во добра состојба, но некој се препуштени на забот на времето. Затоа, како локалната самоуправа, така и секој од нас лично треба да дадеме допринос и заложба за нивна заштита и зачувување за идните генерации, односно за нашите деца и внуци.
Секојдневно луѓето ширум светот го слават своето културно наследство, едноставно живеејќи го својот живот на начин што ги отелотворува кои се и од каде потекнуваат. Но, еден ден во годината се издвојува за да се прослави заедничката историја и наследството на човечката раса. Денот на светското наследство нè охрабрува да ги славиме сите светски култури и да ја донесеме свеста за важните споменици на културата и местата и да ја поддржиме важноста на зачувување на светските култури.
Секоја година на 18 април Меѓународниот комитет на ИКОМОС го прославува Меѓународниот ден на спомениците и локалитетите, востановен на 22-та седница на Генералната конференција на УНЕСКО во 1982 година. Од тогаш 18-ти април е ден на прославување и промоција на културното наследство, и претставува можност за подигање на свеста за неговиот диверзитет, за неговата важност и повредливост, за неговите потреби и за потребата за неговата конзервација.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
