ДЕЦАТА ОД ЈОУДГ „ДЕТСКА РАДОСТ“ ИЗРАБОТИЈА МАРТИНКИ, СЕГА ЌЕ ЧЕКААТ ДА ДОЈДАТ ПРВИТЕ ЛАСТОВИЧКИ И ШТРКОВИ

Децата од сите детски градинки на ЈОУДГ „Детска радост“ од Гевгелија, заедно со своите воспитувачки и негователки, традиционално на 1 март ги изработија „мартинките“, со што и посакаа добредојде на „баба Марта“

Мартинката се става на 1 март, односно на почетокот на месецот и се носи до крајот. Се верува дека носи среќа, здравје и бериќет. Инаку таа е симбол на древно – македонскиот празник Ксантика е мартинката, црвено-белата нишка

 Се носеле за здравје, убавина, за децата да бидат бели и црвени како испреплетените црвени и бели конци, како магија против каснување од змии, заштита од молњи, а во некои случаи се испреплетувале и црвено-црни конци како заштита од вампири и демони. Црвениот конец ја симболизира крвта и плодноста, а белиот чистотата и невиноста. Нивната испреплетеност пак го симболизира испреплетувањето на машкото и женското начело, со што се цели кон магиско обезбедување на плодноста во текот на годината. Мартинките најчесто се носат додека да се види првата ластовица или штрк и се закачуваат на првото расцветано дрво, при што се посакува здравје и среќа за себе и најблиските.