„ БАБА МАРТА“ ГО ДОНЕСЕ  ПРВИОТ СНЕГ ВО ГЕВГЕЛИЈА

На првиот ден од првиот пролетен месец Март, падна и првиот снег во Гевгелија.  За жал, врнежите беа краткотрајни а снегот , кој беше влажен, не успеа подолго да се задржи, по што премина во дожд.

 Од Метереолошката станица во Гевгелија не информираа дека утринската температура во нашиот град изнесуваше 1 степен, а времето денес и утре  ќе биде променливо облачно  со локални врнежи, претежно од снег на повисоките места.Веќе од  среда се очекува стабилно и суво време со пониски утрински температури, додека дневните температури ќе бидат во пораст.