ДО 11- ТИ МАРТ ТРАЕ ЈАВНИОТ ПОВИК НА ОПШТИНА ГЕВГЕЛИЈА ЗА ЧЛЕНСТВО ВО ЛОКАЛНОТО СОБРАНИЕ НА МЛАДИ

Во тек е Jавниот повик на Општина Гевгелија за членство во Локаланото собрание на млади. Иницијативниот одбор за конституирање на Локалното младинско собрание во Општина Гевгелија, во состав Милчо Јовановски, Ангела Шаренкова и Тијана Ристовска, согласно Законот за младинско учество и младински политики, донесе Одлука за објавување Јавен повик за членство во Локалното собрание на млади во Општина Гевгелија. 

Повикот е објавен на веб-страната на Општина Гевгелија и трае 15 работни дена (до 11 март, 2022 година). На повикот можат да аплицираат членови од: Младински организации, Организации за млади, Политички подмладоци, Ученички организации, Студентски организации и други облици на Младинско здружување. Тие треба да ги исполнат следните критериуми, да имаат активности на територијата на Општина Гевгелија, да се основани и да имаат активности најмалку една година пред објавувањето на овој повик и делегатите или замениците да се жители на Општина Гевгелија. 

Повеќе информации за критериумите, потребната документација и начинот на аплицирање на следниов линк: https://www.gevgelija.gov.mk/…/eopstina/Javen_povik_LMS