ЗПСК “КОЖУФ” ЈА ПРОДОЛЖИ ТРАДИЦИЈАТА И НА ПРВИОТ ВИКЕНД ОД 2022 БЕШЕ ИСКАЧЕН ВРВОТ “ЧИЧИ КАЈА”

ЗПСК “КОЖУФ” ЈА ПРОДОЛЖИ ТРАДИЦИЈАТА И НА ПРВИОТ ВИКЕНД ОД 2022 БЕШЕ ИСКАЧЕН ВРВОТ “ЧИЧИ КАЈА”. ОВАА ГОДИНА КЛУБОТ ЌЕ ПРОСЛАВИ 70 ГОДИНИ ПОСТОЕЊЕ.

ЗПСК КОЖУФ Гевгелија веќе долги години наназад годината ја започнува на 2- ри јануари или првиот викенд од јануари со искачување на врвот Чичи Каја, висок 1767м. на Кожуф планина.

Така и оваа 2021 година, 36 члена екипа од клубот тргна од местото Асан Чешма кое беше стартна позиција за оваа маршута до врв Чичи Каја, која е една од најлесните патеки на Кожуф планина со вкупна должина во двата правци од 5.5км и поради тоа беше одбрана за почеток на новата планинарска година. 

Движењето се одвиваше во колона како што е ред, напред водичот на оваа акција секретарката Рената Тодова која го диктираше темпото на движење кое се одвиваше во зимски услови по снег на некои места и до колена. Беа поставени и неколку помошници водичи кои беа распоредени низ планинарите, Ристо Каркалашев, Саше Динев, Бојан Георгиев и Зафир Старделев. На самиот врв во моментот кога планинарите пристигнаа беа пречекани од магла, но за среќа набргу времето се расчисти и се отвори прекрасен поглед на Кожуф планина.

На врвот се отвори шише шампањско со што планинарите си наздравија и си посакаа пред се здравје и успешна нова година со многу реализирана планинарски акции во кои ке се искачат многу планини и планински врвови, особено оваа 2022 година кога Клубот слави 70 години од своето постоење.