АМЕРИКАНЦИТЕ ПРАВАТ ПАТЕКА ЗА ВЕЛОСИПЕДИ НА ЛЕГЕНДАРНИОТ „ПАТ 66“ ДОЛГА 6.400 КИЛОМЕТРИ
Мајката на сите патишта за некои беше симбол на слободата и за некои ноќна мора. Од Големите езера до Пацификот, преку Илиноис, Мисури, Небраска, Оклахома, Тексас, Аризона и Ново Мексико, па сè до Јужна Калифорнија – толку долго се протега овој пат долг 6.400 километри мил. Денеска по неа се гради паралелна патека за велосипедисти, која ќе го следи текот на патот, па ако ве чека поголема и подолга авантура – знаете што да правите.
Дали има некој друг што не слушнал за легендарниот пат наречен Route 66? Можеби сте го гледале во филмови или сте слушнале песни за него – но знаете ли зошто стана толку популарен покрај сите други американски патишта?
Понекогаш ја викаат „мајката на сите патишта“ или „главната улица на Америка“. Сепак, нејзиното друго официјално име е автопат Вил Роџерс, за што сведочи спомен плочата покрај патот во близина на Санта Моника. Вил Роџерс беше актер и новинар познат по своите генијални и хумористични критики, поради кои го доби прекарот „најмилиот син на Оклахома“.
Патот е опеан во песната (Get your kicks on) Route 66. Беше компонирана од Bobby Troup и прославена од Nat King Cole. Подоцна помина низ песните на Ролинг Стоунс, Били Брег, Депеш Мод и други. За патот во 1960-тите беше снимен истоимен серијал, а беше симбол на бегството и во познатиот американски роман „Плодови на гневот“, според кој е снимен и филм со Хенри Фонда
Иако стана симбол на бунт, слобода и рокенрол во популарната култура, за време на Големата депресија Route 66 всушност значеше надеж за подобра иднина, особено за многу сиромашни семејства кои патуваа на запад со неа за леб. Отворен е во 1926 година, а „пензиониран“ во 1985 година, па неговото значење повеќе не е толку големо. Покрај тоа, тој е отстранет од списокот на американски патишта (иако, некои делови сè уште може да се возат). Денес служи како туристичка атракција со која никнаа туристички капацитети, а некои делови се наречени „Историска рута 66“.
