ЗАВРШИ ПРВОТО ПОЛУГОДИЕ. ОД УТРЕ УЧЕНИЦИТЕ НА ЗИМСКИ РАСПУСТ ДО 20 ЈАНУАРИ

Учениците во основните и средните училишта денеска го завршуваат првото полугодие од учебната 2021/2022 година и од утре, 31 декември, се на тринеделен зимски распуст. Според календарот на МОН за организација на наставата, во училишните клупи ќе се вратат на 20 јануари 2022.

Поместување на зимскиот распуст односно одложување на почетокот на второто полугодие засега не се планира зашто, според надлежните, состојбата со КОВИД-19 и натаму е стабилна иако сојот омикрон е потврден и во земјава, а според експертите тој побргу се шири.