ТВ НОВА 12

Вести во Гевгелија и пошироко

САШКО ОЛУМЧЕВ:ВО ГЕВГЕЛИЈА НЕМА ПРИЈАВЕНО СЛУЧАЈ НА ГРИП. ВАКЦИНАЦИЈА ПРОТИВ СЕЗОНСКИОТ ГРИП ДО ДЕНЕС ПРИМИЛЕ 1026 ГРАЃАНИ.

Како што не информираше докторот епидемиолог од Центарот за јавно здравје-Велес, Подрачна единица Гевгелија, Сашко Олумчев, до петокот во вакциналнуиот пункт во Општата болница во Гевгелија, против сезонски грип се вакцинирале 1026 граѓани, што е двојно повеќе од истиот период минатата година. До сега, како што изјави доктор Олумчев во Центарот за јавно здравје во Гевгелија не е пријавено ниту едно лице заболено од грип.
Во Република Македонија, според Институтот за јавно здравје, во сезоната 2021/2022 вкупниот број на заболени изнесува 395, што е 2,1 пати повеќе во споредба со истиот период минатата сезона и 11,2% помалку во однос на типичната сезонска крива. Кумулативно, заболените се пријавени од девет ЦЈЗ/ПЕ. Најголем број на заболени лица и највисока кумулативна инциденца е регистрирана на територијата на ПЕ Дебар, се додава во извештајот.
Според податоците од Управата за електронско здравство, од почетокот на вакцинацијата, а заклучно со затворањето на овој извештај, во државата вакцинирани се вкупно 42.755 лица од ризичните категории население со бесплатни вакцини.
Најголем број од вакцинираните се на возраст од 30-64 години – 1.941 лица или 61,5%, на возраст над 65 години – 1.008 лица или 32,0%, додека на возраст од 5-29 години се вкупно 132 или 4,2%. Нема вакцинирани се деца помали од 5-годишна возраст. Од категоријата на здравствени работници, вакцинирани се 73 лица. Нема вакцинирани бремени жени.
May be an image of 3 people, people standing and indoor
 
 

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

Напишете коментар

Вашата адреса за е-пошта нема да биде објавена.