РИСТО АТАНАСОВСКИ:КАКО МАЛИТЕ ПРОИЗВОДИТЕЛИ НА ЛОКАЛНО ПРОИЗВЕДЕНАТА ХРАНА ОД ГЕВГЕЛИЈА, ВАЛАНДОВО, БОГДАНЦИ И ДОЈРАН ДИРЕКТНО ЌЕ МОЖЕ ДА ЈА ПРОДАВААТ НА ПОТРОШУВАЧИТЕ?

Како дел од активностите на проектот „Формирање на краток синџир за снабдување со храна од локални производители“, во тек се обуки за мали производители на локални произвои и домашни продукти, на кои ќе се претстави концептот „Kратки синџири за снабдување со храна, со кои овие производители ќе бидат обучувани како директно да ги продаваат своите производи до крајниот купувач. Обуките ќе бидат одржани во Гевгелија, Богданци и Валандово, информираше Ристо Атанасовски, одговорното лице на Фондацијата за локален развој и развој на информатички технологии од Гевгелија

Mалите производители на храна од Гевгелиско – Валандовскиот регион кои произведуваат сезонски производи имаат проблем при откупот на нивните производи,

Затоа, со овој проект ќе се воспостави и тестира нов систем на директна продажба на земјоделски производи од познат производител до заинтересирани потрошувачи или група на потрошувачи чии побарувања се во поглед на квалитетот на храната, начинот на испорака (со што помалку контакти/врски) и стекнување доверба на релација производител – потрошувач

Заинтересираните земјоделски производители кои ќе присуствуваат на настанот, понатаму ќе имаат можност да бидат дел од проектните активности со кои ќе бидат запознаени на самиот настан.

Проектот „Формирање на краток синџир за снабдување со храна од локални производители“ е поддржан од страна на Генералниот секретаријат при Владата на Република Македонија, одобрен во рамки на Програмата за финансирање на програмски активности на здруженија и фондации за 2021 година.