ТЕЛЕВИЗИЈА КАНАЛ 12 НА СИТЕ КАТОЛИЦИ, ПРОТЕСТАНТИИ ДЕЛ ОД ПРАВОСЛАВНИТЕ ВЕРНИЦИ ИМ ГО ЧЕСТИТА РАЃАЊЕТО ХРИСТОВО – БОЖИК
Католичките и протестантските верници и дел од православните христијани, кои се водат според Грегоријанскиот календар, денеска го одбележуваат Раѓањето Христово – Божиќ. Традиционално, во државава централната прослава по повод празникот се одржа во Католичката црква „Пресвето Срце Исусово” во Скопје, каде синоќа имаше божиќна света литургија.
Бискупот скопски и струмичко-скопски епарх Киро Стојанов, честитајќи им го празникот Божик на католичките верници на литургијата ја прочита божикната проповед.
– Драги браќа и сестри! Божиќ е. Со овој празник го славиме Христовото раѓање, овоплотувањето на Божјиот Син, кој, како што исповедаме во Верувањето, „Кој заради нас луѓето и заради нашето спасение слезе од небото. И се овоплоти од Светиот Дух и Дева Марија и стана човек.” Тоа е христијанската вера. Ние веруваме дека овој настан е конечното откровение на Бога во историјата на спасението, кое никој и ништо не може да го надмине.