ГЕВГЕЛИСКАТА ЕЛКА УКРАСЕНА СО ЛАМПИОНИ НА ЖЕЛБИ И ПОРАКИ
„Животот е бело платно, а младите го бојат во разни бои„
„Цела година сакај, а за Нова година сакај двојно“
„Се додека го гледаш светот, а не реагираш, остануваш слеп“
Ова се дел од пораките кои доколку поминете низ градското шеталиште можете да ги прочитате на специјално поставените лампиони на Новогодушната елка
За прв пат во нашиот град е поставена новогодишна елка со лампиони, на кои се испишани симболични пораки и желби. Пораките ги испишаа младите волонтери во Општинската организација на Црвен крст- Гевгелија, потпомогнати од Општина Гевгелија. Имено, целта на ова дополнително новогодишно украсување е да прерасне во традиција под мотото „Елка на желбите“.
Како што истакнаа претставниците од Клубот на младите, a на што се придружуваме и ние, нека Новата 2022 година новогодишната донесе, пред се повеќе здравје, среќа и радост на сите , а испраќањето на заеднички пораки со желби за повеќе здравје, среќа и мотивација нека продолжи и наредната година.