ТЕАТАРСКАТА ПРЕТСТАВА „ВООБРАЗЕН БОЛЕН“ ОД МОЛИЕР ВО НАРОДНИОТ ТЕАТАР ВО ГЕВГЕЛИЈА
Театарската претстава „Вообразен болен“, во организација на Дом на култура „Македонија“ од Гевгелија а во изведба на НУЦК ,,Трајко Прокопиев“ од Куманово ќе биде изведена утре, сабота, 6 ноември, во рамките на чествувањето на Општинскиот празник, 7-ми Ноември, во Народниот театар . „Вообразен болен“ е комедија од Жан Батист Поклен Молиер, француски писател и артист, еден од најголемите комедиографи на светската книжевност. Автор е на 33 театарски дела во кои ги исмејува тогашното општество, расипаноста и лакомоста на аристократијата.
Режисер на претставата е Драгана Гунин, а улогите ги толкуваат актерите Мирослав Петковиќ, Александра Михајловска, Владанка Димковска, Марко Трајковиќ, Нина Максимова, Давид Илиќ, Жарко Јовановиќ и Ангела Стојановска.
Почетокот на претставата е од 19 часот а билетите се продаваат по цена од 100 денари. . Сите билети се нумерирани, а за ваше присуство потребно е да поседувате сертификат за целосна имунизација од COVID-19.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
