ТВ НОВА 12

Вести во Гевгелија и пошироко

ВО ГЕВГЕЛИЈА ОДБЕЛЕЖАН 15 ОКТОМВРИ – МЕЃУНАРОДНИОТ ДЕН НА БЕЛИОТ СТАПНЕКА РЕПУБЛИКА МАКЕДОНИЈА БИДЕ ЗЕМЈА БЕЗ БАРИЕРИ ЗА СЛЕПИТЕ ЛИЦА.

Националниот сојуз на слепите на Република Македонија денеска го одбележува 15 октомври – Меѓународниот ден на Белиот стап.
Мисијата на 15 октомври-Меѓународниот ден на Белиот стап-Симболот на слепиот човек-признат од Организацијата на Обединетите Нации (ООН) е да му покаже на светот дека и со слепилото се може, да покаже како слепите и слабовидните лица ширум светот живеат, работат, и независно придонесуваат за својата заедница.
По тој повод во Меѓуопштинскиот центар за социјални работи во Гевгелија се одржа работна средба на членовите на Здружението на слабовидни лица од Гевгелија, а истовремено по трет пат се одржа и манифестацијата „Вешта жена“ на која беа изложени јадења подготвени од жените, членки на Здружението.
Еве што ни изјавија по повод Меѓународниот ден на Белиот стап, претседателот на Здружението, Трајко Делев и членот и делегат, Лазе Трајков.
„Ние не бараме посебни права. Бараме да бидеме видени и да го подигнеме својот глас. Ние не бараме привилегии. Ние бараме само да ни се овозможат сите оние компензациони права кои се цивилизациска придобивка на модерниот и развиениот свет, прокламирани со многубројни меѓународни документи, а пред се’ со Конвенцијата за правата на лицата со инвалидност на организацијата на Обединетите нации, ратификувана и потпишана и од Република Македонија.
Нека ова одбележување уште еднаш по којзнае кој пат не’ потсети и нека биде можност за слепите лица да се потврдат во поширокиот политичко и општествен живот на сите нивоа со цел подобар прогрес и напредок.
Сакаме да зборуваме за новите социјални услуги, како нега во домот и личен асистент. Со надеж дека отсега секој ден ќе биде 15-ти Октомври и дека вниманието кое го добиваме на овој ден, ќе го добиваме и секој следен. Со надеж дека очите на јавноста ќе бидат вперени во нас секој ден.
Нека Република Македонија биде земја без бариери за слепите лица.
Затоа што хуманоста не е доблест, туку обврска на секој од нас. Затоа што ние сме тука меѓу вас. Затоа што ништо за нас – без нас. И затоа што… Секому може да му се случи.“
 
 
 
 
 
 
 
 
 
 

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *