ДЕКЛАРАЦИЈА НА ЕВРОПСКАТА СЛОБОДНА АЛИЈАНСА:EУ ДА ГИ ОХРАБРИ БУГАРИЈА И ГРЦИЈА ДА ГО ЗАШТИТАТ ПРАВОТО НА САМООПРЕДЕЛУВАЊЕ И КУЛТУРОЛОШКИ ИДЕНТИТЕТ НА СВОИТЕ ГРАЃАНИ СО АВТОХТОНО МАКЕДОНСКО ПОТЕКЛО

Европската Слободна Алијанса (ЕФА) продолжува со својата силна поддршка за човековите права на Македонците. На своето Генерало Собрание што се одржа меѓу 14 и 16 октомври 2021 година во Брисел, ЕФА ја објави следната декларација.

ЕФА ја разобличи систематската дискриминација на Македонците во Бугарија и Грција, и ги посочи протоколите на самата Европска Унија во кои се бара да се преземе итно дејство за да се запре ова кршење на човековите права.

Македонското Меѓународно Движење за Човекови Права и благодари на ЕФА за нејзината неуморна работа во одбраната на човековите права и ги повикува и другите организации и политички партии да усвојат слични декларации и да побараат да се стави крај на дискриминацијата врз Македонците.

________________________________________

Име на личноста која го поднесува предлогот/декларацијата до Генералното Собрание: Стојан Димитров, ОМО Илинден – Пирин

Партии членки: ОМО Илинден – Пирин, Виножито

Наслов (на предлогот/декларацијата): За правична политика кон автохтоните Македонци во Бугарија и Грција

________________________________________

ЕУ треба да ги охрабри Бугарија и Грција го заштитат правото на само-определување и културолошкиот идентитет на своите граѓани со автохтоно македонско потекло.

1. Земајќи го во предвид извештајот за „Минимални стандарди за малцинствата во ЕУ“ од (2018/2036 (ИНИ))Ч

2. Имајќи го предвид фактот дека Македонците се домородно население на територијата на Бугарија и Грција и поседуваат специфични културни карактеристики, одржуваат долгорочни и лојални врски со државата и се доволно репрезентативни иако помали по број од остатокот од населението на овие држави ;

3. Имајќи предвид пред сѐ дека Македонците се силно мотивирани да го зачуваат она што го сочинува нивниот заеднички идентитет, вклучувајќи ја нивната култура, нивните традиции и нивниот македонски јазик;

4. Имајќи предвид дека Македонците ги исполнуваат критериумите за малцинство според споменатиот ЕУ-извештај за минимални стандарди за малцинствата во ЕУ;

5. Имајќи го предвид тоа, што Македонците се предмет на државно организирани систематски политики за асимилација, дискриминација и негирање на нивните човекови и малцински права;

6. Со оглед на долгорочните антимакедонски политики на Бугарија и Грција од 19 век наваму;

Европската слободна алијанса повикува:

1.Бугарија и Грција да изнајдат национален консензус за македонското прашање и да ја признаат својата одговорност кон македонското малцинство на нивна територија и со тоа да започнат да водат европска политика за малцинствата, и да им го дадат на Македонците целокупното право предвидено со Рамковната конвенција за заштита на националните малцинства и други релевантни стандардни документи за малцинствата.

2.Бугарија и Грција, кои ЕУ ги смета за држави во кои владее правото, да дејствуваат како такви и да применуваат справедлив и недискриминирачки процедурален пристап кон прашањата што се однесуваат на домородните Македонци на нивната територија

3.Бугарија и Грција да се охрабрат да формираат комисија за постојан дијалог со претставници на домородните Македонци со цел да започне процес за давање меѓународно загарантираните права и слободи.

4.Бугарија и Грција да ги променат своите политики кон македонската нација во духот на европските стандарди.

Образложение:

Образложението на ова декларација силно се повикува на образложението од Извештајот за минимални стандарди за малцинствата во ЕУ (2018/2036 (ИНИ)) на Комитетот за граѓански слободи, правда и внатрешни работи, во кој јасно се укажува дека Европската Унија има одговорност за малцинствата и за малцинските политики во земјите членки на Европската Унија. Последните настани во Бугарија и мерките кои се преземаат против невладините организации кои го застапуваат македонското малцинство и се погласните националистички политики и реторика во Бугарија против македонската нација, држава, јазик и култура.