СО ТРЧАЊЕ МЛАДИТЕ ОД ЦРВЕНИОТ КРСТ ГЕВГЕЛИЈА И АТЛЕТИЧАРИТЕ ОД „7-МИ НОЕМВРИ“ ЈА ПОДИГНУВАА СВЕСТА НА ГЕВГЕЛИЧАНИ ЗА ТУБЕРКОЛОЗАТА И ПУЛМОНАЛНАТА ХИПЕРТЕНЗИЈА
Под мотото: „Време е за свет без туберкулоза“, Клубот на млади при ЦРКСМ ОО Гевгелија, како и членови на АК „7-ми Ноември“, некаде околу 30 мина учествуваа на настанот кој се одржа во петокот, и кои истрчаа 3 километри со цел да помогнат да се подигне свеста за луѓето кои се борат за здив и страдаат од градни заболувања.
Со ова успешно се одбележи Неделата на борба против туберкулозата, но исто така и против други градни заболувања како и пулмоналната хипертензија.
Во центарот на градот, крај поставениот штанд, присутните гевгеличани можеа да ги слушнат кратките објаснувања за тоа какви болести се туберкулозата и пулмоналната хипертензија.
Настанот беше збогатен со музичка точка во која учествуваа волонтерот од Клубот на млади Мартин Костадинов и претставникот од Асоцијација за Пулмонална Хипертензија Момент Плус – Борис Ќаев.
Организаторот им се заблагодари на Атлетскиот клуб 7 –ми Ноември, Планинарскиот спортски клуб Двете уши и на учениците од училиштата кои зедоа учество во трчањето!
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
