ТВ НОВА 12

Вести во Гевгелија и пошироко

ПОЧИНА ПЕЈАЧКАТА НА КУЛТНИОТ ДИСКО ХИТ „YES SIR, I CAN BOOGIE“, КОЈА БЕШЕ ХИМНА НА НАВИВАЧИТЕ НА ШКОТСКА НА „ЕВРО 2020“

Марија Мендиола, половина од шпанското музичко дуо Baccara, најпозната по изведбата на култната диско химна „Yes Sir, I Can Boogie“, почина во саботата наутро во Мадрид на 69 годишна возраст.
Мендиола ја формираше Бакара во 1977 година со пејачката, Мајте Матеос, и двете ги забавуваа туристите на островот Фуертевентура како танчери на фламенко. Нивниот легендарен сингл „Yes Sir, I Can Boogie“ е продаден во повеќе од 16 милиони копии ширум светот.
Песната подоцна беше обработена од Софи Елис-Бекстор, The Фрателис и Голдфрап , а истата беше прифатена летово како неофицијална химна на Шкотска на фудбалскиот шампионат Евро 2020.
Во 1978 година, Бакара го претставуваше Луксембург на Евровизија а нивната песна „Зборувате ли француски?“ го зазеде седмото место.
Бендот потоа издаде уште два албума и се распадна во средината на ’80 -те години. Подоцна Мендиола ја „оживеа“ Бакара, каде Мариса Перез и се придружи како вокал. Таа се повлече од сцената во 2008 година, откако и беше дијагностициран артритис, и беше заменета со Кристина Севиља, која во саботата ја објави веста за смртта на нејзината колешка.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *