ТВ НОВА 12

Вести во Гевгелија и пошироко

ОНА ШТО НЕ МОЖЕ МАКЕДОНИЈА ГО СТОРИ МАКЕДОНСКАТА ДИЈАСПОРА ВО АВСТРАЛИЈАВО ПОПИСОТ ОД 2016 ГОДИНА 2105 ГРАЃАНИ РОДЕНИ ВО ГРЦИЈА А ДОСЕЛЕНИ ВО АВСТРАЛИЈА СЕ ИЗЈАСНИЛЕ КАКО МАКЕДОНЦИ

Во време кога Македонија е под континуирани и сериозни напади од соседите за нејзино разнебитување и бришење на македонскиот народ, нашите иселеници од дијаспората се борат на сите начини да го докажат своето право на самоопределување и самоизјаснување.
Интересот на јавноста го побуди анализа на австралиското министерство за внатрешни работи, кое повикувајќи се на податоци на поранешните пописи на населението, поточно на оној од 2016 година, наведува дека 2.105 граѓани родени во Грција, а доселени во Австралија се изјасниле како Македонци.
Во анализата се истакнува дека од вкупно 89.207 луѓе што биле родени во Грција, 82.207 го зборувале грчкиот јазик и 2.241 го зборувале македонскиот јазик.
Ова е најдобра потврда дека во Грција постои македонско малцинство и тоа директно го потврдува австралиски владин орган, без да може некој да забележува дека ваквите информации се пласирани од Скопје.
Очекувањата се и дека податоците од најновиот попис ќе потврдат уште поголем број Македонци што биле родени во Грција, а живеат и работат во Австралија.
– Она што не може македонското малцинство да го направи во Грција, успева да го направи во Австралија, да потврди дека и во Грција има луѓе што се родиле таму, но по етничко потекло и јазик се декларираат како Македонци, различно од Грците. Тоа е најдобар доказ дека не се сите Грци иако се родени во границите на денешна Грција, без оглед што тамошните власти не признаваат други малцинства. Ова е една победа и голем успех на дијаспората, којашто има свест за своето потекло, и претставува светско признание дека во Грција постои македонско малцинство – вели добро упатен извор од македонската дијаспора во Перт, Австралија.
May be an image of 12 people, people standing and text that says 'IIII ETHNIC MACEDONIANS WERE EXILED FROM OCCUPIED MACEDONIA by GREECE MACEB'
 
 
 

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *